e.l.f Studio Blushes: review and swatches

السلام عليكم

كيف حالكم..؟

أول شي حابة أشكركم كثيييييير ع وجودكم و كلامكم الجميل لي هنا و تويتر و الانستقرام.. أوقات جد أكون محبطة و طفشانة و حزينة و بعد ما أقرا ردودكم أتحمس و أحس إني مو لوحدي و فيه أحد يشجعني و واقف معاي

الله يسعدكم و لا يحرمني منكم..

اليوم راح أتكلم عن بلشرات إيلف من مجموعة الأستوديو..

سعر الواحد بـ 3 دولارات يعني تقريبا 12 ريال و خذيتهم من موقعهم

eyeslipsface

عندي منها 5 ألوان.. و هذي سواتشاتهم :

نبدأ من اليمين درب الغانمين خخ:

Blushing Rose

هذا اللون لو متابعيني ع انستقرام قد نزلته و هو من الألوان اللي أحبها من إيلف..

لونه بين البني و المشمشي و نقطة ع الموف.. لما ينحط ع البشرة خصوصا الوسط و الغامقة يطلع طبيعي و يندمج مع البشرة بشكل جميل.. فيه شيمر خفيف بس ع الوجه ما يبان أبد..

Candid Coral

هذا اللون مقارب للبلش من نارس اللي اسمه deep throat بس حق نارس مايل ع وردي أكثر.. هاللون مشمشي صيفي.. فيه شيمر ناعم ما يبان كثير ع الوجه

حلووو اللون بصراحة و مرغوب كثير حسب ما تجيني من تعليقات و ردود..

Peachy Keen

هذا أحسه إضاءة أكثر من كونه بلش.. ممكن ع البشرات الفااااتحة مرة يبان

لونه ذهبي ع مشمشي فاتح.. بالنسبة لي أحطه بطبقة خفييفة فوق أي بلش عشان يعطيه لون ذهبي.. لأني إذا كثرته يبان اللون بس تصير اللمعة الذهبية قوية و تبين المسام ..

فـ  أحسه يصلح إضاءة أكثر من كونه بلش و البشرات السمراء راح يطلع عليها خرااااافة.. و بحكم لونه الصعب مو كثير أستخدمه ..

Fuchsia Fusion

هذا ثاني أفضل لون عندي بعد بلشنق روز اللي تكلمت عنه أول واحد..

لونه فوشي ع وردي غامق و مايل لموف.. فيه قليتر فضي خفيف يبان حلو ع الوجه مرة.. و إذا دمجتيه زين ع خدودك يروح و يبقى اللون الجميل..!

أحسه مرة غريب و مميز.. مو كثير بلشرات تكون مايلة ع موف و هو مقارب كثير لبلش من نارس اسمه Angelika بس نارس أغمق نقطة منه..

Pink Passion

هاللون يوم تشوفينه بالعلبة وردي فسفوري..!! يخوف ههههههه

بس يوم ينحط ع الوجه يبان زي أخر سواتش ع اليسار وردي ناعم..

اللون مطفي تماما.. و يناسب البشرات الفاتحة و الوسط أكثر.. كثير ناس تقول إنه مقارب لبلشر نارس Desire .. في العلبة حق نارس أغمق بس يوم يندمجون ع الخدود يطلعون تقريبا نفس الشي.. عني أنا ما أميل للبلشرات الوردية .. فما أستخدمه كثير بس هو جميل و ما به شي..

نجي الحين للثبات.. أنا بصراحة لاحظت عموما إن البلشرات تثبت علي..!

لأني في الغالب أستخدم برايمر للوجه.. بس ثباتهم بدون برايمر زين.. مو ثبات رهيب و خرافي.. عادي يعني زي البلشرات عموما.. بس ما يروح بسرعة و يختفي مع اليوم.. إلا إذا الجو حر و هيك ممكن يروح

و بس..

أشوفكم مرة ثانية.. مع مشترواتي من فلورمار و ذا بودي شوب ()

و يا رب أشتري لاب توب حلو عشان أشتغل أكثر ع المدونة..

عطوني إقتراحاتكم.. يهمني شغل الجرافيكس و الفيديوهات و الأوفيس و ميزانيتي لين 5 آلاف..

لا تقولون آبل لأني أشتغل كثير ع الأوفيس للمدرسة و شوي سالفة ع الآبل