Sep 6, 2012

مرحبا.. معليش تأخرت عليكم هاليومين .. بس لأنه أنا لساتني ناقلة جديد لمدرسة ثانية..
مو مرة تمام زي اللي قبل .. من جميع النواحي
:"(
و قاعدة أتأقلم و أرتب وضعي..
و حبيت أنزل لكم هالريفيو البسيط عن منتج جدا جميل للشعر..
و هو بلسم الموز من ذا بودي شوب
 
 
 
الصورة من موقعهم  ع فكرة.. ما علينا..
قبل أمس خلصت علبة من هالبلسم و اليوم رحت اشتريته مرة ثانية.. يعني أنا وقعت في غرامه هو كمان خخ
أنا كنت مخططة أجرب الشامبو بعد ما عجبني البلسم.. بس لسا اللي استخدمه ما خلص فـ راح أجربه بعدين..
هو طبعا بالموز.. >> بالله ..؟ خخ
و معروف كثير الموز إنه زين للشعر و كثير خلطات لترطيب الشعر فيها موز مهروس..
هنا هارسينه جاهز بس حطيه ع شعرك بعد الشامبو زي أي بلسم عادي و خليه دقايق
بعد ما تغسلين شعرك و ينشف.. راح تلاحظين ملمسه نااااااعم و صحححححي...
ما رح يصير ناعم و مسطر و كأنه مستشور.. بس ملمسه و قوامه من جد يتغير مع هالبلسم..
بحكم إن شعري طويل خلصته في 5 استخدامات.. و شعري كثير عاجبني ملمسه ..
و صاير مرن معاي أكثر إذا استخدمت الليس أو الفير..
و الأروع من كل اللي فات.. سعره.. 24 ريال بس..!!!
أنصحكم كثير فيه.. و خصوصا إنه من المنتجات الأكثر مبيعا في موقعهم الأمريكي..
و ممكن تشوفون آراء الناس فيه هنا .. و للحين 104 شخص من أصل 113 ينصحون فيه  
 
 
ملاحظة ع جنب كذا : ذا بودي شوب بدأت أحبها و أقرا عنها كثير
و بصراحة منتجاتهم قفزت قفزة كبيرة في المكونات و الروائح..
و راح تلاقوني كثييييييييير أتكلم عن منتجاتها لأني اشتريت كميات منها الأشهر اللي فاتت..
 
 

2 comments

  1. جا بوقته الريفيو تمنيته يكون من لش
    ان شاءالله اشتريه قريب
    يعطيك العافيه ياعسل

    ReplyDelete
    Replies
    1. لش للأسف مو متوفر كثير في السعودية
      جربي هذا و راح يعجبك إن شاء الله
      منووورة
      ()

      Delete

© ●terter thinks● | All rights reserved.
BLOG TEMPLATE HANDCRAFTED BY pipdig