مرحبا
كثيييير بنات معجبين بالفنانة بيرين سات
و خصوصا في دورها سمر في مسلسل العشق الممنوع .. و فعلا في هالدور بالذات كانت بجد مثال للأنوثة الطاغية و الأناقة
و لاحظت كثير يبحثون عن طريقة كحل عيونها.. و راح أشرح لكم كيف تسوونه
أول شي لازم يكون عندك كحل أسود و يكون كريمي أو قلم أهم شي قابل للتمويه
و ممكن لو ما عندك كحل ظل أسود كمان ينفع .. و مهم يكون عندك برايمر للعين
أول شي حطي البرايمر عشان إذا سوينا تمويه للكحل ما يتكتل ع العين بعد مدة
بعدين كحلي عيونك من جوا فوق و تحت.. و بعدين ارسمي بالكحل أو الظل ع الجفن أقرررررب شي للرموش و كمان تحت
هالخطوة مو مهم تكون مرتبة
بعدين جيبي فرشة أو اسفنجة العين الصغيرة و ممكن أعواد قطن و سوي تمويه للخط هذا و انتهينا
إذا حسيتي إنه صار له تمويه بزيادة زيدي ع جذور الرموش شوي بالكحل
أنا جبت نموذجين من اللي استخدمهم حق بودي شوب و حق إيلف
و سواتشاتهم العادية و المموهة
و أحب بعد هالأكحال أحط ظل أسود أو بني غامق مرة غامق عشان تثبت أكثر
ع اليمين ذا بودي شوب مموه و عادي و ع اليسار إيلف شيمر آيلاينر مموه و عادي
فيه كثير أنواع للأكحال.. بس أنا لهاللوك أستخدم هالإثنين
ممكن هالفيديوهات تساعدكم شوي في التوضيح
إحتمال أعدل ع البوست هذا و أضيف نوعين بعد للكحل بس أجربهم أول لهاللوك و أشوف
سي يا
()
No comments
Post a Comment