Oct 10, 2015

All About CLARINS!


السلام عليكم و رحمة الله..

كيف حالكم جميعا؟ 
اليوم بأعرض لكم تجربتي مع مجموعة منتجات من ماركة كلارنس.. هذي الماركة من ضمن الماركات اللي أثق فيها كثييييير من ناحية للعناية بالبشرة.. إن شاء الله يعجبكم الموضوع و تستفيدون.. 



عندي ملاحظة مهمة: بعض المنتجات اللي عندي حجمها صغير لأني اشتريتها ضمن مجموعة لما سافرت.. لكنها كلها موجودة في محلاتنا بالخليج و ما فيه شيء منها اصدار خاص.. 



يالله نبدأ بسم الله.. (الموضوع طويل شوي)


حابة أتكلم أول شيء عن منتج اشتريته كذا مرة و هو المفضل عندي و عند أختي.. اسمه Beauty Flash Balm و اللي متابعيني من البداية يعرفون إني أحبببه و تكلمت عنه كذا مرة في المدونة و الانستقرام.. هو منتج متعدد الوظائف: 
ترطيب - يعطي نضارة و حيوية للبشرة - برايمر قبل المكياج - قناع للوجه..
سعره تقريبا ٢٠٠ ريال

استخدمي منه نقاط قليلة ع وجهك و وزعي بالطبطبة لا تفركين المنتج ع وجهك.. لأنك لو فركتي و دلكتي المنتج راح يتفتت و ما تستفيد منه البشرة.. بالنسبة لي أحب استخدم منه شوي بعد المرطب في الصبح عشان يكون برايمر للمكياج اللي باستخدمه.. و مرات إذا مستعجلة مرة و ما عندي وقت أستخدمه كمرطب و خلاص.. ممكن تحطينه لوحده طبعا لأنه منتج عناية.. 

أما إذا تبين تستخدمينه كقناع فـ وزعي منه كمية أكثر شوي بس لا تبالغين خخ.. و نفس الشي بالطبطبة و خليه ١٠ دقائق و امسحيه..

☁       


المنتج الثاني البطل من هالماركة هو Double Serum و فيه منه حجمين وسط و كبير.. اللي عندي بالصورة الحجم الكبير و هو أغلى منتج جربته من كلارنس.. سعره تقريبا ٥٠٠ ريال لكن يستاهل فعلا!! هو سيروم زيتي مرطب للبشرة ممكن يستخدم كمرطب للوجه صباح و مساء و ممكن كمان ينحط قبل المرطب العادي (حسب اللي يناسبك)..هو مخصص في الغالب لسن ٢٥ و أكبر لأنه مفعوله الأقوى هو مكافحة علامات تقدم البشرة..

العلبة مقسومة قسمين جزء سائل و جزء زيت.. و لما تضغطين عليه راح يطلع لك بهذا الشكل :


كل اللي عليك تخلطينهم بيدك ع السريع و تحطينه ع الوجه عادي..
 كثير ناس يخافون من كلمة زيت و إنه راح يكون ثقيل و يدهن بالبشرة.. لكن هالمنتج خفيف و تمتصه البشرة بسرعة و ما رح تحسين بأي أثر دهني.. و إذا لسا عندكم تردد بخصوص المنظر الدهني استخدموه بالليل قبل النوم.. 

☁       


المنتج هذا أعتبره من أفضل التونرات اللي استخدمتهم بحياتي.. اسمه Toning Lotion بخلاصة البابونج.. و أهم شي فيه إنه خالي من الكحول و كلنا نعرف كيف الكحول يضر البشرة ع المدى البعيد و يسبب جفافها و تقدمها.. 

مكتوب عليه إنه يستخدم للبشرة الجافة و العادية.. بس شخصيا بشرتي عادية لمختلطة و أستخدمه عادي بعد تنظيف البشرة.. يعطي انتعاش للبشرة و يوازنها و يحافظ ع رطوبتها و طبعا يسكر المسامات بعد التنظيف و يجهز البشرة للمرطب..

ما عندي فكرة عن سعره بالضبط بس تقريبا أقل من ٢٠٠ ريال..

☁       



هذا المنتج هو غسول و مقشر ناعم.. أعجبني كثير لأنه خطوة وحدة و خفيف ع البشرة و مخصص للاستخدام اليومي.. ينظف البشرة و يزيل كل الأوساخ و المكياج و يخليها نااااعمة.. استخدمه مع جهاز الكلاريسونيك أو لوحده و دايم يعطيني نتيجة حلوة.. 

☁       



نجي الحين لمنتج خاص بالجسم و اسمه Tonic Body Treatment Oil
كثييييير ناس ع النت يمدحونه لشد الجسم و علاج التشققات و السليوليت.. بس مع الأسف يبي له انتظام و التزام و أنا ما التزمت فيه.. يعني أحطه مرات و مرات أنسى و بالتالي ما أقدر أفيدكم بهذا الخصوص.. لكنه ممتاز في الترطيب بعد الاستحمام و ريحته حلوة تعجبني.. 

☁       


طيب وصلنا لمنتج حلو بس مو كثير راضية عنه.. هو مزيل مكياج العين من النوع اللي يحتوي على سائل و زيت.. و مكتوب عليه يزيل المكياج الثقيل و اللي ضد الموية.. أوكي هو يزيل مكياج العين بس مو بنفس فعالية المزيلات المفضلة عندي اللي بنفس التركيبة (لانكوم - ذا بودي شوب).. و أحتاج منه كمية كبييرة عشان تنظف عيوني من المكياج.. تمنيت أحبه مثل كثير ناس ع النت لكن للأسف.. يمكن ممكن يناسبك لو أنت مكياج عيونك خفيف دايم و ما تحتاجين شي قوي مثلي..
هذي العلبة عينة صغيرة منه و خلصتها تقريبا و ما رح أشتري منه المرة الجاية..

☁       


المنتجين الجاية كلهم للشفايف.. أول واحد هو زيت الشفايف بالتوت.. و أعتذر ماله صورة لوحده زي بقية المنتجات لأني حاولت أصوره بكذا طريقة و لا طلع زي ما أبي خخ.. موجودة صورته في بداية الموضوع مع باقي المنتجات و زي ما تشوفون استخدمته كثييييير و على وشك ينتهي.. سعره ١٠٣ ريال و فيه منه نكهة ثانية بالعسل.. الاختلاف فقط في الريحة.. لكن اللون شفاف ع الشفايف و ماله طعم خخ.. هو عبارة عن زيت ثقييييييل.. فيه بنات ما يعجبهم لأنه فعلا ثقيل جدا.. بس شخصيا حبيييته لأنه قوامه الثقيل يخليه يبقى ع الشفايف مدة طويلة و بالتالي تظل شفايفي رطبة مدة أطول.. ممكن تستخدمينه قبل الأرواج المطفية عشان يعطيها لمعة قوية مثل القلوس.. أنا أفضِّل أستخدمه لوحده لما أكون في البيت أو حتى طالعة بس بدون روج أو شي.. و كمان قبل النوم جدددا حلووو.. جربوا قوامه في المحل قبل تشترونه لأنه ما رح يعجب الكل :$

☁       

 

منتج الشفايف الثاني هو Instant Light Natural Lip Perfector 
هذا المنتج مشهور برا خصوصا عند البلوقرز البريطانيات.. هو قلوس مرطب بلون خفيف مرة (فيه منه ٦ درجات اللي عندي رقم ٠٥) ما كنت بأشتريه لأني ما أحب القلوسات كثير بس جاني ضمن مجموعة و أختي مرررة تمدحه و قلت يالله أجربه وش وراي خخ..
بعد استخدامي له عرفت ليش محبوب. لهالدرجة. هو من ناحية اللون ع الشفايف أحسه شبه شفاف.. يعني خفيف جدا بس فيه لمعة قوية زي القلوسات بدون قليتر و لا شيمر.. لكن اللي يميزه فعلا هو الترطيب.. بجد بجد يرطب الشفايف و يعطيها مظهر صحي.. أستخدمه مرات لوحده بس في الغالب أحبه فوق التنت أو المحددات... يخليها كريمية و مو ناشفة.. يمكن إذا خلصت العلبة هذي أرجع اشتري الدرجة رقم ٠٦ لونها بني نود.. عموما هنا سواتش لرقم ٠٥ :




☁       

و أخيرا تذكرت منتج استخدمته زمااان و خلصته من كلارنس و أعجبني بس للأسف ما عندي علبته.. جبت لكم صورته من النت.. اسمه Pore Minimizing Serum و هو سيروم يستخدم قبل المرطب على الأماكن اللي فيها مسامات في الوجه زي الأنف و الخدود و الجبهة.. وظيفته يصغر المسامات (مو يزيلها!!!) بس يبي له انتظام مرتين باليوم.. كثييير حبيته بس الحمدلله بعد ما استخدمت جهاز الكلاريسونك ما صارت مساماتي كبيرة و مزعجة زي زمان و ما احتجت اشتريه مرة ثانية.. فلو جربتي منتجات كثير للمسامات و لسا ما لقيتي حل ممكن تجربين هذا يمكن يعجبك!!


☁       

و في الختام حبيت أوريكم مجموعة منتجات جديدة لسا ما فتحتها من كلارنس لأن عندي منتجات من ماركات ثانية أبي أخلصها أول.. بس بغيت أشوف لو جربتوها قبل و وش رايكم فيها.. و اكتبوا لي في التعليقات لو جربتوا منتجات ثانية و أعجبتكم غير اللي في الموضوع و تنصحوني فيها..


☁       

ماركة كلارنس متوفرة في سيفورا و وجوه و باريس قاليري و فافافووم و معظم محلات التجميل.. و لها تقارير في النت لين السماء لو حابين تقرون عنها أكثر..

 بالنسبة لي هذي الماركة متميزة جدا في العناية لكن مكياجها خفيف و ما فكرت أشتري منه شيء.. فيه ماركات مكياج أقوى و أحبها أكثر.. 

و إذا وصلتوا هنا فمعناته أنكم صبورين و بالكم طويل و ربي وعد الصابرين الجنة :$ :$ .. شكرا لكم و لا تنسوني من دعاكم

PEACE



6 comments

  1. الله يعطيك العافية يارب حبت تجربتك لكلارنس جربت منهم واقى الشمش حلو

    ReplyDelete
  2. الله يعطيك العافية يارب حبت تجربتك لكلارنس جربت منهم واقى الشمش حلو

    ReplyDelete
  3. اختي ايش فايدة التونيك و هل هو ضروري ؟

    ReplyDelete
  4. حبيبتي انتي اللي شكراً لج , ما اطلع منج الا بفايده و شي جديد
    يعطيج العافيه

    ReplyDelete
  5. مساء الورد امل ،
    تسلمين على الموضوع الروعة ، هالماركة اللي ودي اكتشف كل شي فيها ، بس حاليا غرقانه بكمية منتجات ودي اخلصها بالاول
    عندي مجموعة صغيرة من منتجاتهم اخذتها باحجام صغيرة من المطار ، جربت كريم اليدين
    جدا حبيته وخليته دايما بالشنطة ، ترطيبة حلو لليدين والاظافر
    جربية وان شاء الله راح يعجبك ..

    وجربت بعد من عندهم ماسك مرطب للوجة ، فعلا يرطب

    وبس ياعسل

    ReplyDelete
  6. يسعدك ربي
    كلارنس منتجاته مرره فضيعه
    جربت البودي لوشن وكريم اليدين مررره جميلة
    وترطيبها لطيف مايدبغ
    يعطيك العافيه ي جميلة

    ReplyDelete

© ●terter thinks● | All rights reserved.
BLOG TEMPLATE HANDCRAFTED BY pipdig