Sep 29, 2015

Colour Pop Cosmetics Haul & Review


السلام عليكم و رحمة الله..

قبل أسبوعين تقريبا وصلتني شوي منتجات كلر بوب من متجر makeup1_ksa ع الانستقرام.. بصراحة أحس إني آخر وحدة تجرب هالماركة خخ..

 اللي وصلني ظل و إضاءة و مجموعة أرواج بأحكي لكم عنهم كلهم بالتفصيل الحين.. 






أكثر منتج كنت حابة أجربه من هالماركة هي الظلال و خصوصا الميتاليك metallic (يعني اللي فيها لمعة قوية و قليتر) لأني سمعت إنها الأقوى عند كلر بوب و الأفضل من ناحية التركيبة.. ما بغيت أغامر و اخترت ظل واحد بس ميتاليك اسمه Dare.. طبعا بيكون لونه بنفسحي ههههههه.. أغلب ظلالي بنفسجي أو تووبي خخ.. المهم اللون بنفسجي دافي يعني مايل شوي للفوشي أكثر من الأزرق.. قوام الظل غريب شوي مو كريمي و لا بودرة..بالنص تقريبا و مكتوب عليه يغلق بإحكام بعد الاستخدام عشان ما ينشف و يخرب قوامه..

بالعادة أنا أحط برايمر للعين قبل أي ظل لأن جفوني دهنية و مهما كان الظل و ماركته لازم يخطط ع جفوني بعد ساعة أو ساعتين و يكتل و يختفي.. و لما نويت أجرب هالظل ع عيوني تذكرت كلام الناس أنه "بطل" و ما يحتاج برايمر و لا شيء تحته بس بإصبعك طبطبي بالظل و ادمجي الأطراف بالفرشة.. و هذا اللي سويته بالضبط.. و وقعت في الغراااااام!!! اللون قوووي جددا يبرق يبرق هههههه.. ع العين هذي الدرجة عطتني تأثير duo chrome يعني كأنها تعكس لونين سوا بنفسجي + فوشي.. أعجبني كثيييير.. و قعد ثابت ما تغير و لا تكتل تقريبا ٥ ساعات و هذا شي ممتاز و الله بالنسبة لجفوني الدهنية..

للعلم فقط.. أنواع الظلال عندهم : مطفي - ساتن (شبه مطفي) - لؤلؤي (شيمر بدون قليتر) - ميتاليك - ألترا ميتاليك.. النوع الأخير هو الأقوى في اللمعة و ناوية أجرب منه المرة الجاية..



✮ ✮ ✮ ✮ ✮ 


المنتج اللي شوي خذلني هو الإضاءة.. اسمها Highly Waisted.. ممم يعني شخصيا أحب الإضاءة ع وجهي تكون شيمر بس!! بدون قليتر لا صغير و لا كبير.. لكن هذي الإضاءة فيها قليتر.. صحيح صغييييير مرة بس لسا مزعج بالنسبة لي.. ممكن لو أنت تحبين هالنوع من الإضاءات راح تعجبك.. لونها بيج غامق مايل للنحاسي مناسب لبشراتنا العربية




✮ ✮ ✮ ✮ ✮ 


و آخر شيء جربته هي الأرواج أو زي ما يسمونها Lippie Stix.. أخذت ٣ ألوان مطفية و لون واحد ساتن (يعني بين الكريمي و المطفي).. كل اللي عندي ألوانها قوية و تبان من مسحة وحدة.. و نفس رأس الروج نحيف يعني سهل تحددين فيه شفايفك و بعدين تعبينهم باللون.. ريحتهم بين الفانيلا و الكرامل حلوة مرة و مو مزعجة و تختفي بعد الاستخدام بربع ساعة تقريبا.. حبيت أكثر شي تركيبة المطفي لأنها تمشي ع الشفايف بسهولة و ثباتها زين و خصوصا لون Toucan لأنه فاقع.. أما تركيبة الساتن فهي ممتازة كمان نفس المطفي بس كريمية أكثر..


 خذوها قاعدة دائما في الأرواج:
 الألوان الفاقعة و الغامقة ثباتها ع الشفايف أكثر من النود و الفواتح لأنها تصبغ الشفايف و لما يبدأ الروج يخف ع مدار اليوم يبقى الأثر ع الشفايف موجود لساعات ثانية.. 

✮ ✮ ✮ ✮ ✮ 

يالله نشوف السواتشات ؟

Tootsie - Pinch - Toucan - Topanga - Highly Waisted - Dare

ملاحظة : بالنسبة للروجين اللي ع اليسار كلهم ألوانهم نود غامق.. بس Tootsie نود مايل للرمادي شوي و في النت يقولون إنه بديل لروج كاشمير من لايم كرايم.. أما اللون الثاني Pinch نود دافي مشمشي تقريبا..

✮ ✮ ✮ ✮ ✮ 


بشكل عام أنا راضية عن الماركة كثييير.. جودتها ممتازة و أسعارها حلوة تترواح بين ٥ دولار إلي ١٠.. و بجد ناوية أجرب منها أكثر و أكثر.. فلو عندكم منتج أعجبكم أو لون معين اكتبوا لي إياه في التعليقات عشان أطل عليه و أطلبه لو عجبني..

و شكرا لمتجر  makeup1_ksa ع الهدية الجميلة هذي و الله يوفقكم و يرزقكم..


لا تنسوني من دعاكم
PEACE

4 comments

  1. مرا حبيت الالوان , و حمست اجرب كلر بوب

    ReplyDelete
  2. كتبت تعليق وطار للأسف
    الماركة صار لي فترة ابحث فيها ولي أسبوعين في موقعهم أضيف منتجات وأحذفها ترددت بسبب كثرة الألوان
    مجرد شفت تنبيهك تحمست اقرأ تدوينتك وحبيت اختياراتك
    Topanga حبيته من أول ما طلع .. من أول نظرة يعني ههههههه
    و Toucan ضمن قائمتي
    قررت كمان أجرب الأرواج الالترا مات اخترت لون Bumble

    الظلال احترت فيها كثير اخترت 3 , bae , so quiche
    البلشر عجبني Between the sheets لون طبيعي مطفي ينفع لأي لوك ومثالي للدوام

    كل التقييمات إيجابية لمنتجاتهم وانبسطت أنها عجبتك كمان يعني أتوكل على الله وأطلب ^_*

    أرسلت لصديقاتي الرابط حتى نطلب سوا
    شكراً أمل على وقتك ومجهودك في التجارب والتدوين جداً أقدره
    متابعتك من أيام الإقلاع واكتشفت مؤخراً أنه لنا معارف مشتركين =)

    ReplyDelete
  3. اشتركت بالمدونه حبيبتي ، ابي فولو اذ عجبتك البلوق تبعي ❤️❤️

    ReplyDelete
  4. محد يحمسني عالشغلات الشيمريه غيرج والله
    حبيتها بعد ماكنت انجذب للمات و بس\

    انا حابه الوانهم هالماركه و قريب اطلب منهم .. مشكوووره

    ReplyDelete

© ●terter thinks● | All rights reserved.
BLOG TEMPLATE HANDCRAFTED BY pipdig