مرحبا..
من كم سنة طلعت شانيل مجموعة أرواج كوكو ..
و كان الإعلان هو اللي تشوفونه في الصورة فوق
ميزة أرواج شانيل هذي حسب موقعهم إنها ترطب و اللون فيها قوي يعني ما يحتاج طبقات كثيرة
و إن لها ألوان قوية و متعددة.. فيه الكريمي و الشيمر و المطفي نوعا ما..
هذا الكلام اللي في موقعهم .. نجي لكلامي أنا يا رعاني الله ههههههههه
أول ما نزل هالكوليكشن عجبني اللون الأحمر منه و اشتريته.. و حبيته كثييير
المهم أمي أعجبها و لأن عندي أرواج حمر واجد عطيتها إياه
و أختي أخذت منه لون نود ع موف خفيف كذا ..و عجبها كمان..
و كان نفسي في اللون الأشهر و الأقوى من هاللاين.. و اللي موجود ع ليلي آلان في الصورة
رقم 05 و اسمه مدموزيل.. و عندي منه عينة صغيرة و حبيته كثيييييير..
و كل صحباتي نصحتهم فيه و اشتروه ..
بس لأن عندي كثير أرواج أجلت موضوع هاللون و ممكن كنسلته من بالي..
فجأأأأأأة
حسيت إنه جاء الوقت اللي أشتري فيه هاللون أنا كمان
و لأن كل بنت لاااااازم يكون عندها روج من شانيل .. كان بالنسبة لي هاللون ()
و اشتريته.. خخ
بالنسبة للترطيب لاحظت إنه ما يسبب جفاف لشفايفي و هذا أمر جيّد
و لاحظت لونه غني ما يبي له مليون طبقة و هذا كمان شي كويس..
الثبات ثبات أي روج عادي.. إذا أكلتي و شربتي كثير أكيد بيروح بعد كم ساعة
بس عموما هذا الروج هذا من أحسن الأرواج اللي جربتهم
و الحمدلله أحس حلال فيه الـ 150 ريال تقريبا اللي اندفعت فيه
نشوف الصور..؟
زي ما تشوفون هو لون مناسب للجميع.. وردي غامق شوي..
و الحلو فيه إنه ممكن نطبطب فيه ع الشفايف و تبان كأنها لونها صحي و طبيعي..
و ممكن بلشر كريمي ألييييييم...
و هنا السواتش..
فيه معلومة مدري إذا جد أو لا.. بس إذا حابين تعرفون روج شانيل أصلي و لا لا.. شوفوا الغطاء..
إذا الشعار محفور من جوا فمعناته أصلي..! مدري عاد هههههههه
و بس... :$
No comments
Post a Comment