السلام عليكم و رحمة الله..
كيف حالكم؟ و كيف الإجازة معاكم للحين؟
موضوعي اليوم هو مفضلات شهر يوليو.. في الإجازة مو كثير أطلع برا فـ مفضلات المكياج قليل هالشهر و بعضها قد ذكرته في موضوعات المفضلات قبل و ما فيه داعي للتكرار.. بسم الله نبدأ.. تنبيه: موضوعي طويل و مفصل هههههه
أحب أبدأ ببودرة بينفت the Porefessional Agent Zero Shine هي المفروض تنحط ع الوجه عشان تثبت الأساس و تخليه مطفي لكن جربت أثبت فيها الكونسيلر تحت عيني بطريقة الـ baking و أعجبني شكلها و ثباتها فوق الكونسيلر.. هو بس العلبة شوي تقهر لو كانت عادية بدل هالشكل.. لكن هذا ما يمنع إن المنتج نفسه حلو و راح أستمر عليه..
