Urban Decay Matte Revolution Lipsticks

السلام عليكم و رحمة الله

قبل فترة حضرت إيفنت خاص بمجموعة الخريف الجديدة من إربن ديكاي.. و المجموعة مكونة من بالت نيكد سموكي، أقلام و مسكرات الحواجب، تسعة أرواج مطفية و خمسة محددات للشفايف.. 

اليوم راح أكلمكم عن الأرواج و إن شاء الله في موضوعات جاية راح أتطرق لبقية المنتجات.. 

الأرواج تركيبتها كريمية ناعمة لكن مظهرها ع الشفايف مطفي بنسبة كبيرة و ما تسبب جفاف.. و تركيز اللون قوي جدددا!! بالنسبة للثبات فهم مثل أي روج عادي يعني من ساعتين لـ ٤ ساعات بدون أكل و شرب.. موجودين في موقع سيفورا الأمريكي حاليا للطلب و بتنزل عندنا في محلات سيفورا مع بقية منتجات الخريف في شهر سبتمبر.. 

 عندي منها لونين و كثيييير عاجبيني:

1993 - After Dark

Stark Naked - 1993 - Blackmail - Bad Blood - Menace - After Dark - Bittersweet - Temper

نبدأ باليمين لليسار :

Temper لونه أحمر مايل للبرتقالي.. و فيه درجة قريبة منها من نفس المجموعة نسيت أصورها اسمها Tilt لونها برتقالي أكثر.. بس للأسف الدرجات البرتقالية تبين الأسنان صفراء شوي :( .. 

Bittersweet وردي مايل للبنفسجي.. حلو جدا و ناوية أشتريه إن شاء الله..

After Dark هذي الدرجة عندي لونها فوشي غامق ع بنفسجي.. أغمق من اللي قبلها بدرجتين أو ثلاث..لون فخم مرة و مميز و يشبه لون Aria من نكس المجموعة المطفية..

Menace فوشي فاقع بيكون حلو كثير مع تان أو مكياج برونز..

Bad Blood أحمر غامق شوي.. 

Blackmail هذا أسود إلا شوي هههههه.. عودي غامق جدددا و جريء حلو مع مكياج ناعم و بلشر مشمشي أو برتقالي زي taj mahal من نارس

1993 هذي الدرجة الثانية اللي عندي و لونها بني شوكلاتة.. أحب البنيّات كثير و كنت زمان ألاقي تعليقات و سخرية من الناس على هاللون و الحين يا سبحان الله كل البنات يبون روج بني.. دنيا ههههههههه.. المهم هذا اللون جميل جدا مع مكياج مشمشي أو وردي.. و يعتبر لون نود حلو للبشرات السمراء.. 

Stark Naked لونه نود فاتح ع مشمشي.. مناسب أكثر للبشرات الفاتحة.. و شخصيا من ثلاث سنوات تقريبا صرت ما أحب الدرجات المشمشية ع شفايفي لأني أحس يبي لها مكياج مثالي جدًا و كمان تبين الأسنان صفراء شوي..

أخيرا.. لو حابين هالأرواج تصير مطفيّة أكثر طبطبوا عليها بمنديل أو حطوا فوقها قليل بودرة شفافة..

و بس!

 إن شاء الله حبيتوا الموضوع و استفدتوا ()

قولوا لي وش أكثر لون تحمستوا له في المجموعة؟ 

لا تنسوني من دعاكم 

PEACE