Aug 21, 2014

NYC Haul : BEAUTY

السلام عليكم و رحمة الله و بركاته
قبل كم يوم رجعت من أمريكا كنت هناك عشان شي له علاقة بالشغل
بس طبعا ما يمنع إني أروح أتسيوق هنا و هناك XD
اليم راح يكون الموضوع عن المنتجات التجميلية و المناكير اللي شريتها
و جزء ثاني بعدين إن شاء الله عن منتجات العناية و الشعر و العطور
قبل أبدأ في مشترواتي أحب أذكر كذا نقطة و يمكن يكون أسلوبي قوي شوي بس أحيانا فيه بعض الناس ترمي كلام و تعليقات مالها داعي و حابة يفهمون هالنقاط زين ما زين خخ :

 أولا : فيه ناس تصرف فلوسها ع الأكل و ناس ع الملابس أو المصممات
و الساعات و العطور و ناس ع الجوالات و فيه على الاستراحات و الحفلات
 و الاستقبالات.. أنا وحدة من الناس اللي تحب تصرف فلوسها على المكياج ..
و كل اللي تشوفونه أغلبه عليه عروض و كوبونات هناك و صار أرخص علي..
ثانيا : كنت مخططة للسفرة هذي و بالتالي وفرت فلوس و ما اشتريت شي من شهور!! يعني مو قاعدة على بنك و لا لاقية كنز..و أي واحد يوفر بيصير عنده فلوس إن شاء الله..

ثالث شي : أنا صاحبة مدونة و حساب إنستقرام و كلهم تجميل و عناية.. طبيعي جدا يكون عندي شغلات كثيرة عشان أجربها لنفسي و أكتب لغيري يستفيد.. يعني مو ضروري تشترين هالكمية و لا تكون عندك
رابعا : أنا حطيت هالموضوع عشان البنات اللي يحبوني و أحبهم و متحمسين يعرفون أخباري و إيش اشتريت.. و برضو للبنات اللي حابين يعرفون من وين يشترون الشغلات هذي.. و برضو للبنات اللي ذوقهم نفس ذوقي و يبغون يستفيدون..!!
يعني مو أتمدح و لا أتفشخر
و أذكروا الله و قولوا ما شاء الله
نبدأ بشغلات الهاي إند.. و كلها من سيفورا ما عدا شي واحد..
خلص برايمر العين حقي من توو فيسد و نفسي أجرب شي جديد
و كنت حاطة عيني ع برايمر إربن ديكاي المقاوم للشيخوخة
و شريت منه الحجم الصغير عشان يخلص بسرعة
و أجرب شي جديد بعده كمان خخ.. سعره تقريبا 16 دولار
و بعده خذيت مناكيرنحاسي مع ذهبي.. معدني و مطفي.. أسرني و الله
من ماركة فورملا إكس.. سعره أغلى من باقي مناكير الماركة نفسها
عشان نوعه غريب و كذا.. بـ 16 دولار بعد
نجي الحين للعشق.. الحب.. فارس أحلامي هههههههههههههه
لو متابعيني ع الإنستقرام من زمان بتعرفون إني خذيت عينة من
أساس نارس sheer glow.. و يوم رجعت و جربته وقعت في الغرااام..
و بالنسبة لي أحسن أساس جربته في حياتي كله هو هذا.. و طبعا اشتريته
إذا تبون تقرير خاص عنه لوحده قولوا لي و أسويه إن شاء الله
بعده هذا القلوس اللي يصبغ الشفايف من ماركة سيفورا
اسمه روج انفيوجن.. برضو تكلمت عنه في الانستقرام قبل فترة
خذيت منه درجة اسمها Pulm.. سعره رخيص حول 13 دولار
و أخر شي من سيفورا كحل من ماركة Ardency Inn
لونه أخضر فاقع يجيب العافية خخ.. عندهم ألوان ثانية حلوة
بس هذا ما عندي أي شي يشبه له و شريته بـ 19 دولار
أما البقمنت البنفسجي الفاتح فهو من ماركة أول مرة أعرفها
اسمها Face Stockholm .. و لها محل لوحده
عندهم شغلات حلوة كثير.. بس ما بغيت أتهور
و اخترت هذا البقمنت كبداية بـ 22 دولار..

-----------------------------
و الحين نجي لمنتجات الصيدليات و العلوم الزينة خخ
أنا في هالسفرة لعبت بالكوبونات لعب هههههههه..
و صادفت خصومات حلوة مرة و عروض زينة.. لكن أحس
نوعا ما ضبطت عمري شوي و ما تهورت مرة >> نعم يختي!!
الصيدليات اللي أعجبتني عروضها في المكياج بالذات 
 هم CVS و Rite Aid..

 
ماركة وت أند وايلد كان عليها خصم 40% و اشتريت منها
الإضاءة الكبيرة هذي من مجموعة فيرقي.. للأسف مو حلوة خخ
و اشتريت منها الظل الصوغنن البيج رهيييييييييييييب..!!!!
اسمه بروليه.. سعره أصلا دولار و بعد الخصم بـ 60 سنت
يعني ريالين يا ناااااس هههههه..
ريفلون كان عندي كوبون عليهم و عندهم خصم اشتري واحد
و الثاني بنص السعر و خذيت هذولي لأن نفسي أجربهم
الروج حلو مبدئيا و ثابت جدا بس يبي لي أعطيه فرصة أكثر
أما القلوس هذا غريب عجيب.. مدري هو روج خفيف؟ و لاقلوس ثقيل؟
أو تنت يصبغ الشفايف..؟؟ بشكل مبدئي عجبني بس أبي أجربه أكثر عشان
 أكتب لكم عنه بالتفصيل..
كحل ميبلين ماستر دراما  جربته هنا في السعودية زمان بس مدري ليش
قررت أشتريه هناك خخ.. لونه فوشي فاقع و يصلح لموضة
الدبل لاينر (يعني رسمة العين سوداء و فوقها خط بلون ثاني)
الحلو فيه ثباته و تعدد ألوانه..
بعده ظل كريمي من كفر قيرل.. احترت بين هاللون و لون بنفسجي
غامق بس في النهاية قررت أختار هذا لأني راح أستخدمه أكثر
لسا ما جربته.. مخليته لأول أسبوع في الدوام :(
عشان ألاقي شي يحمسني شوي للقومة بدري و الشغل خخ
بعدين ظل من ميلاني المجموعة الجديدة حقتهم اللي اسمها بيلا..
شفت فيدوهات و سواتشات كثير للمجموعة.. و عجبتني 4 ألوان
بس لأني حكيمة و ذا.. اشتريت أكثر لون لفتني منهم و خلاص
اسم الدرجة بيلا روج.. للحين ما جربته و الله..
و لفتني في الستاند قلم شمع الحواجب هذا برضو من ميلاني
لسا ما جربته بس أتوقع إني راح أحطه ع الحاجب قبل أعبيه
بالبودرة عشان يثبته و كذا.. مم مدري إذا استخدمته أقول لكم
المناكيرات أخذت من أو بي آي هاللونين..
عجبوني مرة.. خذيتهم من محل اسمه نوردستروم راك
كل اللي عندهم بضايع مخفضة و جميل مرة خصوصا قسم العناية و المكياج
أما اللون اللي ع اليمين اشتريته فجأأأأأة قبل أروح المطار بساعة خخ
جنب بيتنا في محل إربن أوتفترز و عندهم ستاند مناكير
لقيت هذا اللون اللي أحلم فيه و خذيته.. مدري عن تركيبته لسا
بس إذا جربته بأكتب لكم هنا أو ع الانستقرام..

إن شاء الله ما أكون طولت عليكم خخ
تابعوني ع الانستقرام @terter_thinks
و ع تويتر @TaRaNeeM
و إذا عندكم أي سؤال تفضلوا في الردود تحت
أو في الأسك http://ask.fm/terterthinks
و إن شاء الله أرد عليكم بقد ما أقدر..
البوست الجاية بيكون تقرير عن بالت ظلال
و بعده أكمل لكم مشترواتي من نيويورك إن شاء الله
دعواتكم..
()

4 comments

  1. يسعدك امولة اقرأ و أضحك على التعليق و تتهني يارب فيه وأنت بصحة و عافية

    ReplyDelete
  2. مشترياتك جداً جميلة ماشاء الله, تتهنين فيها ياحلوه
    وأعجبتني النقاط الأولى صادقة بكل كلمة فيها, كثير ناس يحسبونا قاعدين ع بنك من كثر المكياج اللي نشتريه ولايذكرون ربهم, مايدرون اننا نجمع الفلوس عشان نشتري هالأغراض
    ربي يسعدلي قلبك ويهنيك ويباركلك فيهم ياربي

    ReplyDelete
  3. من اول ماشفتك منزله صوره لنيويورك بانستقرام وانا متحمسه لـhaul في المدونه خخ
    انا كمان لي فتره حاطه عيني على اساس نارس، كل ريڤيو اشوفه الناس تمدحه وانتي الحين حمستيني اكثر، اذا تقدرين تسوين التقرير وتكتبين الـmatching shade له بالنسبه لاساسات ماك لو موجوده عندك بحبك للأبد :p
    قلوس ريفلون اول ماشفت سواتشات له حسيت نفس شعورك ماعرفت ايش سالفته بالضبط انتظر انطباعك عنه :)
    اااه ظل ميلاني انا اللي كتبت لك بالاسك لو تعرفين موقع غير درق ستور دورت بعد بتارقت مالقيت كل المجموعه استسلمت وطلبت من الموقع لوول، طلبت درجات طبيعيه لان هم استخدمهم اكثر وطلبت درجة Teal ميتالك وقعت بغرامه، يعطيك العافيه وننتظر باقي الأجزاء :*

    ReplyDelete
  4. -
    ماشاء الله تبارك الله
    الله يزيدك ياختي ويعطيك لين يرضيك
    مدري ليه الناس نظرتهم معوقة شويا
    ما عليك منهم واخصريهم يختي
    دحين نجي لمشترواتك تتهني بهم
    أساس نارس كثير مدحوه نستنى رأيك عنو
    وكمان روج سيفورا نبا ريفيو عليه
    ظل ميلاني لونه جمممميل وحلو لو فيه منو
    بنفس الدرجة بلشر !
    ألوان المناكير شي رهيب وجمميل ����
    حبيت لونين Opi
    ياليت لو كتبتي أسماءهم جدًا جميلة
    الله يعطيك العافية عالبوست الجميل ��

    ReplyDelete

© ●terter thinks● | All rights reserved.
BLOG TEMPLATE HANDCRAFTED BY pipdig