Mar 10, 2014

The Body Shop Shimmer Cubes Review and Swatches

 
السلام عليكم
 

ياااااه قد إيش أحس بزحمة في حياتي الفترة الأخيرة
و شغل وراء بعض ما يخلص..
و البال فيه مليون شي و شي..!! الله يبارك لي و لكم في الوقت
 
ما تدرون قد إيش التدوين هنا يسعدني و مشاركتكم لحظاتي في الإسنتقرام و تويترو ردودكم الجميلة تدخل البهجة و الأمل ع أيامي.. الله لا يحرمني منكم
و شكرا ع دعمكم لي في كل مكان.. ()
 
اليوم راح أحكي لكم عن تجربتي مع ظلال المكعبات اللماعة
من ذا بودي شوب .. لاحظتوا الترجمة بس خخ
هي اسمها Shimmer Cubes
 
و عندي منها هاللونين :
 
 
ع اليمين الدرجة الجديدة رقم 26 و ع اليسار رقم 06
الحلو في هالمنتج إن كل لون ممكن يطلع لوحده بدون العلبة
و كل لون له علبة و غطاء له لوحده..
 يعني تقدرين تاخذين لون أو لونين معاك بدون البقية
و كمان ممكن تسوين علبة فيها 4 ألوان من كذا علبة
لو عندك أكثر من وحدة..
و كمية اللون كاااابييييرة و بعيد الشر بتموتين و أنت ما خلصتيها خخ
 
 
 
بالنسبة للدرجة الطبيعية رقم 06 شريتها من سنة تقريبا
لأنها هي من أفضل المكياج مبيعا في ذا بودي شوب
شوفوا الريفيوهات في موقعهم الأمريكي هنا
أما الدرجة الجديدة الوردية  26 فهي من مجموعة الربيع اللي توها نازلة  
 
نشوف السواتشات و نكمل حكي؟
 
 
أول شي الظلال جدا ناعمة و جميلة
و لما جربتها بكذا طريقة حبيتها بالأصابع أكثر
بالفرش جميلة بس تخلي اللون شفاف و هادي
أما الأصابع تخلي اللون قوي و واضح
 
 
بالنسبة لي حبيت الدرجة 06 أكثر و أستخدمها دايم
و نفسي في الدرجة 23 اللي تدرجات البنفسجي و الفضي
و فيه درجة جديدة رقم 30 شكلها حلوة بس تشبه رقم 06
 
 
 نجي لموضوع الثبات في هذي الظلال و أرجع أقول لكم
إن جفوني دهنية و دايم أستخدم برايمر مع أي ظل في الحياة
عشان يبقى ثابت و ما يخرب و لا يتكتل..
فـ هنا نفس الشي.. حطيت برايمر و حطيت الظل
و قعد معاي تقريبا 5 ألى 6 ساعات
و أتوقع يطول أكثر إذا فوق البرايمر شوي ظل كريمي
و ع فكرة.. ممكن اذا استخدمتوه رطب يكون اللون أقوى..

 
سعر المنتج الواحد ب 100 ريال تقريبا..
و جربوها في المحل و شوفوا بأنفسكم
 
 
دعواتكم لي و لجدتي ربي يشفيها و يطول في عمرها
و يفرحنا برجعتها بالسلامة :"
 
 
PEACE

7 comments

  1. حبيت السواتشات
    مختصرة كل شي
    احب فيك كلامك و فكرك
    شكراً امل
    :*

    ReplyDelete
  2. مجموعة الربيع ماحبيتها ورديه مرره
    لو كانت على روز قولد أتوقع بتكون أجمل
    شكراً ياحلوه ..

    ReplyDelete
    Replies
    1. فيه الدرجة الجديدة ألوانها حلوة رقم 30 شوفيها في السوق
      :) العفو و لو

      Delete
  3. يعطيك الف عافيه يالغاليه
    والله يبارك لك في وقتك ، ويشفي جدتك ويقومها بالسلامه يارب

    ..

    حبيت السواتشز بس اعجبتني درجات الطبيعيه لاني اميل لها دايم
    بس مايمنع انه درجات الوردي حلوه
    بس ولا مره فكرت اخذ من عندهم شادو بس ليش لا بجرب

    شكرا ياحلوه

    ReplyDelete
  4. ماقلتي لنا عن ثباتها اهم شي ��

    ReplyDelete
    Replies
    1. فعلا من السرعة نسيت أكتب خخ
      طيب عدلت الموضوع شوفيه
      :)

      Delete
  5. كنت حاطه عيني عليها و حمستيني اشتريها ����

    ReplyDelete

© ●terter thinks● | All rights reserved.
BLOG TEMPLATE HANDCRAFTED BY pipdig