Feb 27, 2014

Wet n Wild Megalast lipsticks

السلام عليكم..
 
اليوم راح أحكي لكم عن تجربتي مع أرواج ماركة وت آند وايلد Wet & Wild
من مجموعة Megalast

 
 
 

الألوان كثيرة جدا بس عندي منها 4 ألوان و سعر الواحد تقريبا من 2 إلى 3 دولار
يعني بحدود 8 أو 12 ريال.. موجودة بأمريكا في محلات زي Target - CVS
Rite Aid - Wallgreens - Duane Reade
و عند التاجرات ممكن تلاقونها بس أغلى طبعا خخ..
 
 
نشوف الصور و السواتشات و نكمل ؟
الشرح و السواتشات من اليمين لليسار R to L
 
 
 
919B Vamp It Up
إيه أعرف اللون أسود إلا شوي.. بس تراني مو إيمو و الله ههههههه..
بس من زمان نفسي أجرب لون أسود ع شفايفي و دامه رخيص ليش لا!!!  
على قولة ميشل فان تقول إنه لازم نجرب روج أسود قبل نموت خخ
المهم هو مو أسود قد ماهو بنفسجي غاااامق مررررة ع عنابي
و من الأسباب اللي خلتني أشتريه برضو إني محتفظة في هالصورة لروج من شانيل
 
 
بس الروج إصدار محدود و انتهى و طبعا ما رح أدفع في لون زي كذا
مبلغ كبير و أنا ما رح أستخدمه كثير..
عموما هو يكون جميل جدا مع مكياج عيون هاااادي و بلشر وردي أو برتقالي..
 
 
918D Cherry Bomb
اللون عودي غامق جدا.. مرررة أحبه..
بس هذا اللون و أتوقع الأحمر و الفوشي من نفس المجموعة
فيهم مشكلة بسيطة إنه لازم محدد عشان ما يطلع الروج برا الشفايف
 
 
914C Mocha-licious
هذا بني شوكولاتة.. بصراحة اللون ع الشفايف غريب و حلو..
ما يبين الوحدة مريضة أو شي.. و ممكن يكون نود للبنات السمر
عجبني كثير و الله..
 
 
915B Spiked with Rum
هذا اللون أكثر واحد كنت أبيه ..
و ما أبالغ إني كل كم يوم أفتح قوقل و أشوف سواتشه >> الله يشفيك خخ
لونه ع الشفايف مختلف عن العلبة.. في العلبة كأنه طوبي أو مشمشي غامق
ع الشفايف يبان وردي غاااامق ع شوي بني
و بجد فرحانة فيه كثيييير
 
 
الأرواج فيها مميزات و هي :

أولا رخص السعر.. أعرف بنات اشتروا كل الألوان!!!
و ثانيا اللون جددددا وااااضح من مسحة وحدة و يطول ع الشفايف
و ما تروح بسرعة زي ما تشوفون
بعد ما مسحتها بمناديل رطبة و لسا باقي لون
 
 

و ثالثا كمية الروج ممتازة و كثيرة في العلبة شوفوا..!!!!
 
 
 
 
العيوب :

بصراحة كل العيوب في العلب نفسها مو في المنتج اللي هو الروج نفسه
أول شي العلب خفيفة مرة و جودتها نص و نص.. لا تكونين دفشة :$
ثاني شي إن الروج إذا برمتي العلبة و نزلتيه يبقى منه طرف زي كذا
 
 


و لازم تكونين حريصة في تسكير العلبة عشان ما تتوسخ و تنحاس
بس إذا استخدمتوا الروج كثير و قلت كميته تنحل هالمشكلة خخ
 
ثالثا بعض الألوان ((مو كلها)) تحتاج محدد عشان ما تطلع برا الشفايف
مثلا في الألوان اللي عندي بس اللون تشيري بومب اللي أحسه يطلع شوي برا
الشفايف بعد 4 ساعات كذا .. البقية تمام الحمدلله
 
 
 
أخيرا :

أنا راضية عنها أشد الرضا و الله.. أحبها و ناوية أشتري منها كم لون
و أشوف مميزاتها تطغى ع عيوبها بكثييييير لأنها في العلبة
مو في الروج نفسه.. و بشكل عام تستحق التجربة
لو حابين سواتشات لكل الألوان تفضلوا هنا
 
و بس
أشوفكم وقت ثاني.. لا تنسون جدتي من دعواتكم..
 
PEACE
 

5 comments

  1. ترتر تدرين اني افتح بلوقك شبه يومي استنى بوستاتك ! يختي ارحمينا واكتبي كل يوم :(
    مرررررررة اسلوبك جميل ومنتجاتك في قائمتي على طوووول
    احب بلوقك وما في احد ما حكيت له عنه
    كثري من منتجات العناية بالبشرة والاظافر لأني اثق في تجاربك
    ربنا يوفقك :*

    ReplyDelete
  2. ياعسل ممكن تنزلي رابط الموقع اللي طلبتيهم منه

    ReplyDelete
  3. احب ارواجهم مرة لونها وثباتها يجنن، بس خوفوني منها لان فيها رصاص وقالوا ان الاستخدام المتكرر وبشكل طويل ممكن يخلي الشفايف تغمق :(

    ReplyDelete
  4. وعليكم السلام || يالله هالأرواج شكثر اسمع عنها ويقولوا تشبه ماك تدوينتك حمستني اكثر

    ReplyDelete

© ●terter thinks● | All rights reserved.
BLOG TEMPLATE HANDCRAFTED BY pipdig