Feb 3, 2014

Vintageness Overload + e.l.f giveaway WINNER!

 
مرحبا..
 
اليوم حابة أشارككم شي له علاقة بالديكور..
مدري إذا حبيتوا الفكرة أحاول أسوي موضوعات أكثر عن المجال
خبروني.. طيب؟

 
ممكن طبعا تكون هالحركة اللي بأعرضها معروفة عند البعض
بس راح أكتب عنها في كل الأحوال خخ..

 
 
 
يمكن الصورة تشرح لكم الفكرة
أي صحون صغيرة و عتيقة أو كيوت ممكن تستخدمينها كوسيلة
لترتيب إكسسواراتك اليومية أو المفضلة أو الغالية في الأدراج
و ممكن كمان لبنس الشعر أو المشابك ..
شكلها جدا جميل في الأدراج و الله و خصوصا إذا كانت أشكال مختلفة
راح أوريكم الكوليكشن حقي من هالصحون (الأطباق)
 
 
 
 
 
و كمان إذا شفتي كوب عجبك و كان صغير
و ما ينفع للفرش ممكن تستخدمينه للأكحال أو المحددات
و ممكن لبنس الشعر أو الربطات..
عندي هذا الكوب الظريف حاطة فيه عينات العطور
و أي مناسبة أستعد لها و شنطتي كانت صغيرة مرة آخذ أي
عينة من هذا الكوب و أحطها في الشنطة و ما تاخذ مكان
 
 
و عندي كوب ميكي لبنس الشعر و كوب هيلو كيتي للأكحال..
بس ما طلعوا حلوين في التصوير و سحبت عليهم خخ..
 
 
 
طيب من وين ممكن تشترون هالأشياء؟
دايسو .. مهجة  .. سنتربوينت .. زارا هوم
الدانوب .. روائع المكتبات .. و أي محل مواعين
و آيكيا في قسم الشموع فيه صحون للشموع ظريفة  بعد
 
 
 
 
أخيرا..
مو بس أكواب و صحون.. جيبي المطبخ كله ههههههه
ممكن صواني جميلة ترصين عليها العطور.. و ممكن نفس الصينية 
تحطين عليها مكياجك اليومي ع التسريحة.. أو عناية البشرة 
 
 
 
إذا طبقتوا هالفكرة أو كنتوا فعلا مسوينها من قبل صوروها لي نفسي أشوفها
و سووا لي منشن عليها في تويتر @TaRaNeeM
أو ع انستقرام @terter_thinks
أو ع الإيميل theguruterter@gmail.com
 
 
 
 
 
 
و نجي الحين للفايزة في هدية ماركة إيلف :
 
لأن الفايزة الأولى من أسبوع و أكثر ما ردت علي .. اخترت فايزة ثانية و هي
 
 مبرووووك شيماء !!!
ردي على هذا الموضوع  من نفس هالحساب و أكتبي إيميلك عشان نتفاهم ع التفاصيل
إذا ما رديتي قبل يوم الجمعة راح أختار متابعة محددة من دون قرعة
:)


 
 
 
 

4 comments

  1. يااه جميلات جميلات
    حبيتهم
    انا كذا مسويه و ممكن الاكواب اللي معها صحن تحطيها للاساور
    او المجاول زي ميسمونها .. حبيت الخربزي والازرق المزخرف من وين ي عمري
    ممنونه الك

    ReplyDelete
  2. جميله جداً والفكره جداً الفكره فخمه ماشاء الله
    احب استايل الفينتاج بكل شي
    شكراً من القلب

    ReplyDelete
  3. فزززززززززززززززززت
    مو مصدقة
    الله يبارك فيج حبيبتي
    سوري توني اشوف..لاني شيكت من مدة وشفت اسم وحدة ثانيه
    هذا ايميلي soso2020uae@hotmail.com

    ReplyDelete

© ●terter thinks● | All rights reserved.
BLOG TEMPLATE HANDCRAFTED BY pipdig