Dec 14, 2012

مسابقة : أفضل ريفيو CLOSED

يا مساء الحماس..!!
 
اليوم راح تكون بداية أول مسابقة أسويها ع المدونة حقتي..
مرررررررررررررة متحمسة خخ
و راح تكون عن أفضل ريفيو مصور و مكتوب من إعدادك إنتِ..
و الجوائز مرة جميلة في نظري و راعيت تكون مناسبة للجميع..
 
 
 
نبدأ بـ الشروط :
 
1- الريفيو يكون عن أي منتج حبيتيه و نفسك تشاركينا خبرتك فيه (يعني شي ما عجبك أو ما ناسبك ما له مكان هنا خخ)
2- يكون المنتج اللي ذكرتيه شامل سواتش إذا كان ميك أب .. و نوع البشرة  أو الشعر إذا كان عناية و هيك
3- ذكر السعر و تفاصيل الشراء و كيفية استخدام هالمنتج
4- تصوير المنتج من كذا جهة و تكون الصور جميلة و واضحة و ما يخالف إذا حطيتي اسمك أو مدونتك عليها..
(نصيحة مني التصوير في الظهر و قريب من الشباك يخلي الإضاءة حلوة و منتشرة و واضحة)
5- ما يكون المنتج من هذي الماركات : ماك - كليلينك - بوبي براون - ستيلا - إيستي لودر :)
6- تكونين مسوية لي فولو هنا في البلوق  و أسهل طريقة عن طريق التويتر و هنا الطريقة من مدونة مجربة
7- تسوين فولو لي ع تويتر برضو @TaRaNeeM و تكتبين تغريدة فيها خبر المسابقة هذا و رابط مدونتي
و يا ليت تسوون لي منشن فيها عشان أشوفها و أنتبه لها :$
8- راح ينزل الريفيو الفايز في المدونة يوم 1-1-2013 و هو راح يكون نهاية المسابقة
9- أي ريفيو مميز ثاني بس ما فاز راح ينزل هنا كمان بعد فترة.. كشكر مني لكم ع المشاركة :$
 
 
كيفية المشاركة :
 
يرسل الريفيو ع بريدي الموجود في أعلى يمين الصفحة و هو theguruterter@gmail.com
و عنوان الرسالة يكون : مشاركة في مسابقة المدونة + اسمك أو النك نيم
و يكون في نهاية إيميلك اسمك في تويتر و اسمك اللي تابعتيني فيه هنا في المدونة عشان أتأكد من هويتك أكثر
 
ممكن تشاركين بكذا ريفيو.. يعني مرة عن كحل و مرة عن روج.. بس رجاء ما ينرسل الريفيو أكثر من مرة
 
التقييم راح يكون مني أنا و اللي أشوفه مناسب و مفيد.. يعني لا تزعلون مني :$ :$
لأنه صعب أنزل كل الريفيوهات و صعب عليكم تقرونها كلها .. 
و احتمال إذا مرة احترت بين 2 أو 3 مشاركات... أحط تصويت و تساعدوني
 
راح تكون المسابقة للموجودات في السعودية و باشحنها لكم عن طريق فيدكس أو أراميكس
بس لازم الفايزة تزودني برقمها و عنوانها بعدين *_^
 
و إيش بعد ممم...
بس كذا :$
 
الجوائز :

 اضغطوا ع الصورة تكبر
 
 
1- كريم تونق سوفليه للجسم من ماركة Nourish Skin .. اللي يميز هالمنتج هو إنه إضافة للترطيب
و وجود الهيلارونك أسيد ..بعد فيه شيمر ذهبي مرة حلو و راح يعطي إضاءة للجسم ناعمة جدا ..!
 
2- ظل كريمي من ماركة نمبر7 في بووتس.. اللون فانيلا .. اخترت هاللون لأنه مناسب للجميع و يغطي عيوب
الجفن من هالات و هيك.. و ثابت ما رح يتكتل و يعتبر لون أساسي و مهم يكون عند كل بنت
 
3- عينة صغيرة من روج إيف سان لوران مجموعة روج بير كوتور رقم 09 ..
لونه جميل عودي فاتح ع توتي.. يميل شوي للفوشي.. مناسب للشتاء
 
4-  كحل لانكوم الكريمي اللون البنفسجي .. نفس اللي عندي و تكلمت عنه قبل كم يوم..
و قلت فرصة تجربون هاللون و تغيير عن الأسود :)
 
5-  مسكرة إكسترافاقنت لاشيز من ماركة نمبر 7 في بووتس.. فرشتها المطاطة و المستطيلة مرة غريبة
و تعطي تكثيف جميل للرموش.. برضو فرصة تجربون فرشتها الغريبة!
 
6-  توشي رايدينس من إيف سان لوران رقم 11 اللون أحمر .. هذا قلوس نفس فكرة الكونسيلر المشهور
من الماركة نفسها و اللي اسمه توشي كلات .. اخترت هذا اللون لأن كثير بنات يخافون من اللون الأحمر
و هذ لونه أحمر خفيف و فيه قليتر صغير مرة جميل و ممكن ينحط ع روج أحمر يزيده بهاء و ممكن
ع روج نود أو وردي يعطيه عمق شوي.. 
 
7- جوسي توب من لانكوم رقم 12 إكزوتك بومب .. العلبة هذي اللي عليها الرسمة ليمتد إيدشن
و اللون كورال ع أحمر خفيف.. و هالمنتج معروف و من أفضل منتجات لانكوم و اللي انشهرت كثير ..
 
8- فرشة الظل سولاف المفضلة عندي و خصوصا للبقمنت..  أحبها و عندي منها كثيييييييير..
 
9- فولدر أنا أحب المكياج.. لأوراق الآي 4  من تصميمي ..
يعني ما فيه منه أبد بس عندي و عندك و عند لمى اللي فازت في القيف أوي حق رمضان ..

10 - كحل ميلاني ليكوفاي اللون الأسود.. كحل كريمي جدا و حالك السواد.. إذا نشف مستحيل يسيح أو يخرب
 
_ _ _ _
 
 يا رب تكون عجبتكم .. واحتمال أزيد شغلة أو شغلتين لما أروح السوق قريب.. 
 
بالنسبة لرقم 6 و 7 للأمانة أنا اشتريتهم من أوت ليت Outlet.. و في الأوت ليت عندنا يشيلون العلب حقتهم..
بس هي جديدة 100% و ماهي مستخدمة و لما توصل للفايزة راح تتأكد بنفسها :)
 
 
 راح أوقف استقبال المشاركات آخر يوم في 2012 يعني بعد أسبوعين تقريبا
و النتيجة بتكون أول يوم في 2013..
 
و بس
 
:$
 
 

10 comments

  1. فكره جميله والاجمل هديتك
    بإذن الله بشارك لو لقيت وقت
    يعطيك العافيه ويسعدك

    ReplyDelete
  2. فكره جميلة مشاركة بإذن الله ^^

    ReplyDelete
  3. عادي اشارك بعده منتجااات

    ReplyDelete
  4. مسابقة جميلة و هدايا أجمل هههه
    بإذن الله مشاركة لو حصلت فرصة
    الله يوفقك و يسعدك ❤

    ReplyDelete
    Replies
    1. يا رب تلاقين وقت
      آميييين و إياك يا رب
      :)

      Delete
  5. آليوم آخر يوم بالمشاركة يارب يكون ليا نصيب بالفوز ^^

    ReplyDelete

© ●terter thinks● | All rights reserved.
BLOG TEMPLATE HANDCRAFTED BY pipdig