Wet n Wild Megalast lipsticks

السلام عليكم..

 

اليوم راح أحكي لكم عن تجربتي مع أرواج ماركة وت آند وايلد Wet & Wild
من مجموعة Megalast

 

 

 

الألوان كثيرة جدا بس عندي منها 4 ألوان و سعر الواحد تقريبا من 2 إلى 3 دولار
يعني بحدود 8 أو 12 ريال.. موجودة بأمريكا في محلات زي Target - CVS
Rite Aid - Wallgreens - Duane Reade
و عند التاجرات ممكن تلاقونها بس أغلى طبعا خخ..

 

 

نشوف الصور و السواتشات و نكمل ؟

الشرح و السواتشات من اليمين لليسار R to L

 

 

 

919B Vamp It Up

إيه أعرف اللون أسود إلا شوي.. بس تراني مو إيمو و الله ههههههه..

بس من زمان نفسي أجرب لون أسود ع شفايفي و دامه رخيص ليش لا!!!  

على قولة ميشل فان تقول إنه لازم نجرب روج أسود قبل نموت خخ

المهم هو مو أسود قد ماهو بنفسجي غاااامق مررررة ع عنابي

و من الأسباب اللي خلتني أشتريه برضو إني محتفظة في هالصورة لروج من شانيل

 

 

بس الروج إصدار محدود و انتهى و طبعا ما رح أدفع في لون زي كذا

مبلغ كبير و أنا ما رح أستخدمه كثير..

عموما هو يكون جميل جدا مع مكياج عيون هاااادي و بلشر وردي أو برتقالي..

 

 

918D Cherry Bomb

اللون عودي غامق جدا.. مرررة أحبه..

بس هذا اللون و أتوقع الأحمر و الفوشي من نفس المجموعة

فيهم مشكلة بسيطة إنه لازم محدد عشان ما يطلع الروج برا الشفايف

 

 

914C Mocha-licious

هذا بني شوكولاتة.. بصراحة اللون ع الشفايف غريب و حلو..

ما يبين الوحدة مريضة أو شي.. و ممكن يكون نود للبنات السمر

عجبني كثير و الله..

 

 

915B Spiked with Rum

هذا اللون أكثر واحد كنت أبيه ..

و ما أبالغ إني كل كم يوم أفتح قوقل و أشوف سواتشه >> الله يشفيك خخ

لونه ع الشفايف مختلف عن العلبة.. في العلبة كأنه طوبي أو مشمشي غامق

ع الشفايف يبان وردي غاااامق ع شوي بني

و بجد فرحانة فيه كثيييير

 

 

الأرواج فيها مميزات و هي :

أولا رخص السعر.. أعرف بنات اشتروا كل الألوان!!!
و ثانيا اللون جددددا وااااضح من مسحة وحدة و يطول ع الشفايف
و ما تروح بسرعة زي ما تشوفون بعد ما مسحتها بمناديل رطبة و لسا باقي لون

 

 

و ثالثا كمية الروج ممتازة و كثيرة في العلبة شوفوا..!!!!

 

 

 

 

العيوب :

بصراحة كل العيوب في العلب نفسها مو في المنتج اللي هو الروج نفسه
أول شي العلب خفيفة مرة و جودتها نص و نص.. لا تكونين دفشة :$
ثاني شي إن الروج إذا برمتي العلبة و نزلتيه يبقى منه طرف زي كذا

 
 

و لازم تكونين حريصة في تسكير العلبة عشان ما تتوسخ و تنحاس
بس إذا استخدمتوا الروج كثير و قلت كميته تنحل هالمشكلة خخ

 

ثالثا بعض الألوان ((مو كلها)) تحتاج محدد عشان ما تطلع برا الشفايف
مثلا في الألوان اللي عندي بس اللون تشيري بومب اللي أحسه يطلع شوي برا

الشفايف بعد 4 ساعات كذا .. البقية تمام الحمدلله

 

 

 

أخيرا :

أنا راضية عنها أشد الرضا و الله.. أحبها و ناوية أشتري منها كم لون
و أشوف مميزاتها تطغى ع عيوبها بكثييييير لأنها في العلبة
مو في الروج نفسه.. و بشكل عام تستحق التجربة

لو حابين سواتشات لكل الألوان تفضلوا هنا

 

و بس

أشوفكم وقت ثاني.. لا تنسون جدتي من دعواتكم..

 

PEACE

 

KIKO Water Eyeshadows Review and Swatches

 مرحبا..

 

اعذروني تأخرت عليكم كثير.. و للأسف الفترة الجاية راح أنشغل أكثر

بس بحاول قد ما أقدر أنزل بوستات لو مرة في الأسبوع

دعواتكم الله يشفي جدتي و يقومها بالسلامة.. و يحقق لي حلمي قريب

 

اليوم راح أعرض لكم ظلالي من ماركة كيكو الإيطالية..

و قبل أبدأ هي ما تنباع عندنا و وصيت فيهم صديقاتي يوم راحو إيطاليا

و اللي أعرفه إن محلاتهم بس بأوروبا

لكن تقدرون تطلبون من موقعهم هنا أو من التاجرات

 

بسم الله نبدأ ؟

 

 

 

الظلال علبها جميلة و قوية و شكل الظل جوا حلو كثير

و مكتوب عليها من ورا ممكن تستخدم بالموية أو جافة 

 

 

أحسن طريقة لقيتها لاستخدام هالظلال هو بالأصابع

عشان يجي اللون واضح و يبان الشيمر مضبوط..

و ممكن بفرشة دمج تدمجون الأطراف و تموهونها

أغلب الدرجات حلوة و هي جافة.. إلا اللون رقم 222 مثلا لازم بالموية

 

راح تسألوني كيف أستخدم هالظلال بالموية؟

أقولكم.. أبلل أصبعي بموية و أمسح به فوق الظل و بعدين أحطه ع عيني

يبان أقوى و لمعته معدنية مرة ..

 

خلونا نشوف السواتشات و نكمل..؟

كل صورة تلاقون ع اليسار الظل و هو جاف و ع اليمين بالموية

 

 

 

 

 

أحسن لون بالنسبة لي هو رقم 200 لماااااااع مرررررة

و بعده علطول اللون 202.. لأنه مرة غريب بين البني و البنفسجي

 

و بالنسبة لثباتهم لحالهم ما أدري حقيقة.. لأني لازم أستخدم برايمر قبل أي ظل

عشان جفوني تدهّن بسرعة.. إذا ما عندك مشكلة مثلي أتوقع راح تثبت

لأن مكتوب عليها إن ثباتها طويل

 

 

حبيتهم كثير و أنصحكم فيها..

و إن شاء الله يكون التقرير السريع هذا أفادكم

كيكو شغلاتهم جميلة عموما و أسعارهم مناسبة.. و بس

 

البوست الجاي احتمال يكون عن أرواج

أو عن مشتروات نسيت أنزلها لكم من شهر أوكتوبر خخ

 

 

Peace

 

 

Vintageness Overload + e.l.f giveaway WINNER!

 

مرحبا..

 

اليوم حابة أشارككم شي له علاقة بالديكور..

مدري إذا حبيتوا الفكرة أحاول أسوي موضوعات أكثر عن المجال
خبروني.. طيب؟

 

ممكن طبعا تكون هالحركة اللي بأعرضها معروفة عند البعض

بس راح أكتب عنها في كل الأحوال خخ..

 

 

 

يمكن الصورة تشرح لكم الفكرة

أي صحون صغيرة و عتيقة أو كيوت ممكن تستخدمينها كوسيلة

لترتيب إكسسواراتك اليومية أو المفضلة أو الغالية في الأدراج

و ممكن كمان لبنس الشعر أو المشابك ..

شكلها جدا جميل في الأدراج و الله و خصوصا إذا كانت أشكال مختلفة

راح أوريكم الكوليكشن حقي من هالصحون (الأطباق)

 

 

 

 

 

و كمان إذا شفتي كوب عجبك و كان صغير

و ما ينفع للفرش ممكن تستخدمينه للأكحال أو المحددات

و ممكن لبنس الشعر أو الربطات..

عندي هذا الكوب الظريف حاطة فيه عينات العطور

و أي مناسبة أستعد لها و شنطتي كانت صغيرة مرة آخذ أي
عينة من هذا الكوب و أحطها في الشنطة و ما تاخذ مكان

 

 

و عندي كوب ميكي لبنس الشعر و كوب هيلو كيتي للأكحال..

بس ما طلعوا حلوين في التصوير و سحبت عليهم خخ..

 

 

 

طيب من وين ممكن تشترون هالأشياء؟

دايسو .. مهجة  .. سنتربوينت .. زارا هوم

الدانوب .. روائع المكتبات .. و أي محل مواعين

و آيكيا في قسم الشموع فيه صحون للشموع ظريفة  بعد

 

 

 

 

أخيرا..

مو بس أكواب و صحون.. جيبي المطبخ كله ههههههه

ممكن صواني جميلة ترصين عليها العطور.. و ممكن نفس الصينية 

تحطين عليها مكياجك اليومي ع التسريحة.. أو عناية البشرة 

 

 

 

إذا طبقتوا هالفكرة أو كنتوا فعلا مسوينها من قبل صوروها لي نفسي أشوفها

و سووا لي منشن عليها في تويتر @TaRaNeeM

أو ع انستقرام @terter_thinks

أو ع الإيميل theguruterter@gmail.com

 

 

 

 

 

 

و نجي الحين للفايزة في هدية ماركة إيلف :

 

لأن الفايزة الأولى من أسبوع و أكثر ما ردت علي .. اخترت فايزة ثانية و هي

 

 مبرووووك شيماء !!!

ردي على هذا الموضوع  من نفس هالحساب و أكتبي إيميلك عشان نتفاهم ع التفاصيل

إذا ما رديتي قبل يوم الجمعة راح أختار متابعة محددة من دون قرعة
:)